من صغرة كان حاكم بلد
زى الفراعنه ما تتولد
ولإنه كان ابن الأسد
اللى يعارض ينجَلد
اصبح رئيس وخياله تاه
فكر فى نفسه انه إله
شبيحته قال طالبه رضاه
من غير لا متن ولا سند
آه يا ابن حافظ الأسد
فى رب برضه بيتوَلد
شعبه الضعيف فكر يثور
فكر يمد الضلمة نور
لكن طغاة كل العصور
فاكرة ان ليها الكون أبد
القتل فيه طبع دفين
وابوه عملها من سنين
دك حماة دك السنين
وقتل فى شعبه الغلبانين
جامعتنا الجامعه العربيه
ودى جامعه ولا دى جمعيه
قراراتكم اعتادنا عليها
وحريق سوريا ده مش تسليه
اتِفِقوا على غير فرقتكم
اصل الفرقه دى مصيبتكم
كان تقسيمكم سهل عليهم
ومن يومها بنقول يا خيبتكم
ورسولكم اتهان والرب
وحماة حامى عليها الضرب
ما يفرق بين طفل وشاب
ماحنا فى زمن الحكم الغصب
ويقولوا رب
والله كلب
عن حق عذراً
أسفين يا كلب
AhmedSaleh89
كنت بلف فى الفيس بوك
و ع الاخبار الوحشه بسك
لكن جمله لفتت نظرى
وفى صحتها كنت بشك
.......
الطيارة العسكريه
ناقلين فيها معونه غذائيه
مش لصومال ولا حتى لغزة
دى لإخواتنا البورسعيديه
.......
للدرجه دى وصل الحال
بقى بينا وبينهم ترحال
ليه نقطع عرق فى اجسامنا
ووضعنا يتغنى فى موال
.......
أياً كان بقى مين دبرها
شرطة سوزى أو عسكرها
ايه ذنب الاطفال والرضع
فى مقاطعه ما نعرف اخطارها
.......
اسمع ان أهلى هناك
انتصروا على جيش فتاك
كان متكون من كام دوله ؟
ايوة ثلاثه ورجعوا بااااك
........
شافوا كتير واتعذبوا ياما
من كل الدول الهدامه
كانوا فى دفاعنا النقطه الاولى
لو فتحت , مع الف سلامه
.......
آخر كلمة لبورسعيد
بواسيكى على وضع جديد
راح يتغير لما هنفهم
وحبك راح يرجع ويزيد
AhmedSaleh89
شوط تانى والكورة اجوال
والتشجيع يصنع ابطال
الهتافات دايما نسمعها
صرخه يهزوا بيها جبال
........
لكن المره دى غريبه
شايفين منهم حركه مريبه
فتحوا الباب لبهايم نزلوا
وكأننا قاعدين فى زريبه
........
كانوا نازلين ناويين على نيه
واضحه وصريحه وعلانيه
ضرب وقتل وإيه المانع
ما المجلس راح يدفع دية
........
شوفت كمان صاحب دبابير
واقف وسط رقاب بتطير
لكن شغله كان بيحتم
يركز جهده فى التصوير
........
ورئيس مجلس جاى يمثل
فاكر اننا شعب مغفل
كان تعليقه ع اللى بيحصل
دى يا جماعه عاااااادى بتحصل
.......
دى ضحايا اقل من ميه
سيبك انت وركز ع النيه
وانقل يلا معايا الجثه
ما هى اصلا فترة انتقاليه
