شوط تانى والكورة اجوال
والتشجيع يصنع ابطال
صرخه يهزوا بيها جبال
........
لكن المره دى غريبه
شايفين منهم حركه مريبه
فتحوا الباب لبهايم نزلوا
وكأننا قاعدين فى زريبه
........
كانوا نازلين ناويين على نيه
واضحه وصريحه وعلانيه
ضرب وقتل وإيه المانع
ما المجلس راح يدفع دية
........
شوفت كمان صاحب دبابير
واقف وسط رقاب بتطير
لكن شغله كان بيحتم
يركز جهده فى التصوير
........
ورئيس مجلس جاى يمثل
فاكر اننا شعب مغفل
كان تعليقه ع اللى بيحصل
دى يا جماعه عاااااادى بتحصل
.......
دى ضحايا اقل من ميه
سيبك انت وركز ع النيه
وانقل يلا معايا الجثه
ما هى اصلا فترة انتقاليه
ربنا يرحمهم
ردحذفآمييييييين يا رب
ردحذفويرحم كل شهدائنا وامواتنا فى مصر والوطن العربى