جيمى كارتر ادانا معونه
ربع زتون وعلبة توونه
وبعدين خصموا منها النص
على وعد ب كيلو مكرونه
...
دى معونه بتذل نفوسنا
وعشانها بنطاطى رؤوسنا
وآخرها مشبوة بنرحل
عايزين قطر ييجى ويدوسنا
.....
محلاها دى سيادة كمان
يا حكومة ويا برلمان
لو فعلا زى ما بتقولوا
ان مفيش مصرى هيتهان
طب انقذوا المصرى الحر
الشيخ عمر عبد الرحمن
....
ولا مفيش وقت لسياده
وطبعا مش فاضيين الساده
عايزين نجهز بشريطة سودة
ونشرب سوا القهوه السادة
لكن بعد ما يبقوا يوافقوا
أقصد أصحاب السعاده
...
بيقولوا بلدنا محتاجه
خرطة جبنه من التلاجه
ونوزعها علينا تساوى
راح اقولكو رسما بشياكه
..
معونه للصعيد
ومعونه لبورسعيد
ومعونة للإقتصاد
ومعونه لحرف الضاد
دى معونه تذلنا
جمعتنا كلنا
تحت راية النجوم
وكسرت قلبنا
......
ومعونه من جيوبنا
بشقانا وبتعبنا
بس الاول قولولى
مين اللى سرق الجبنة
AhmedSaleh89
كلمات رائعة
ردحذفربنا يتوب علينا
تسلمى على ردك
حذفواتمنى انك تيجى المدونه باستمرار وتتابعى كل جديد :)
كلام جميل ومعبر عن حالنا :(
ردحذفتسلمى يا ماهيناز
حذفاحنا بجد تعبنا
ربنا يرحمنا بقى